ሰእል መንፈሳዊ ስብራትን ለመጠገን፡ ህይወትን በመለወጥ ትግራይን መደግፍ

በመቀሌ ከተማ ለሁለት ሳምንት በተካሄድው የሥዕል ስልጠና ላይ ተሳታፊዎች በስነ-ጥበብ የስሜት ስብራትን ለማከም እና ከስነልቦናዊ ስብራት ለማገገም ስዕልን እንደ መፍትሄ ተጠቅመውበታል።  ስልጠናው ማእከል ያደረግው የንብ ማነብ ጭብጥ ላይ መሰረት አድርጎ የነበረ ሲሆን ይህም የትብብር እና የዘላቂነት ምልክትን ለማሳየት ያለመ ንበር።

ንቦች መጠናቸው አነስተኛ ቢሆንም፣ የሚያስደንቅ ጥንካሬ እና አንድነት አላቸው። በአንድነት አብረው ይሰራሉ፣ እያንዳንዳቸው ቀፎቸውን በመጠበቅ እና አካባቢን በመደገፍ ወሳኝ ሚና ይጫወታሉ። ይህ ትብብራቸው እና ትጋታቸው ከጉዳት ለማገገም  እንደ መልካም ምሳሌ ማሳያ ሆኖ ሊወሰድ ችሏል፡ ልክ እንደ ንቦች ግለሰቦች እና ማህበረሰቦችም ከዓላማ እና ከጽናት ጋር ሲገናኙ ተስፋን እንደገና  መገንባት፣ ማደግ እና አወንታዊ ውጤት መፍጠር ይችላሉ። 

በንብ ማነብ ሃሳብ ላይ መሰረት አርጎ በተካሄድውአውደ ርዕይ ላይ ተሳታፊዎች ንቦች የአካባቢ ጥበቃላይ የሚጫወቱትን ወሳኝ ሚና አንጸባርቀዋል ። እነዚህ የአውደ ራይ ጊዜዎች የፈጠራ ልምምዶች ብቻ አልነበሩም;ይልቁንም  ከተጋላጭነት  ወደ ማገገም እና ወደ ጥንካሬ የሚደረገውን ጉዞ እና የእርስ በርስ ግንኙነት እና መደጋገፍ አስፈላጊነትን ያንጸባረቁም ነበሩ. 

በወቅቱ የስእል ዐውደርዕ ከዐውደርዕነቱ በተጨማሪ፣ የሰዎችን የተጎዳ ስሜት ለማከም ረድቷል። ከዚህ በተጨማሪም ይህ ፕሮግራም  የንብ ማነብ ስራ ለትግራይ (Beekeeper Entrepreneurs of Tigray (BET)) የተሰኘ ፕሮግራም ጅማሮ ሆኖም አልፏል።

BET ለትግራይ ወጣቶች የንብ ማነብ የስራ መስክ ላይ የቅም ግንባታ ስልጠና ለመስጠትና የመሰረታዊ ንብ ማነብ ቁሳቁሶችን ለመስጠት አልሞ የተነደፈ ሲሆን BETን ፕሮጀክትን የተለየ እና ውጤታማ የሚያደርገው የዲጂታል ትምህርትን በአካል ከሚሰጥ የስልጠና ጋር በማጣር የተግባር እና የንድፈ ሃሳብ ትምህርቶችን በአንድ ላይ ለመስጠት የተዘጋጀ መሆኑ ነው። ተነሳሽነቱ ሥራ አጥ ወጣቶችን አስፈላጊ የንብ ማነብ ክህሎት በማስታጠቅ የራሳቸውን ዘላቂ የንግድ ሥራ እንዲጀምሩ ያስችላቸዋል።

ይህንን ፕሮጀችት የበለጠ ለመደገፍ በሥዕል ትምህርት ወቅት የተሰሩት የሥዕል ሥራዎች ለግዢ ቀርበዋል፣ ገቢው በቀጥታ ለ BET ፕሮጀክት የገንዘብ ድጋፍ ለመስጠት የሚውል ሲሆን ይህም ተሳታፊዎች ሁለንተናዊ ስልጠና እንዲያገኙ እና ኢኮኖሚያዊ እድገትን ለማምጣት ያስችለናል። ይህም ሂደት ጥበብን እና ትምህርትን በዘላቂነት በማዋሃድ  ተግባራዊ ክህሎቶችን ማዳበር ብቻ ሳይሆን የታደሰ የዓላማ እና የባለቤትነት ስሜትን ለመፍጠር ያግዛል።

በዚህ መንገድ ተሳታፊዎች ለአካባቢ ተሃድሶ አስተዋፅዖ ያደርጋሉ፣ ዘላቂ መተዳደሪያን ያዳብራሉ፣ እና ንቦች የሚወክሉትን ፅናት እና መተባበር በማሳየት የመንፈስ የፈውስ እና የመተባበር ስሜትን ያዳብራሉ።